Դերասան Դավիթ Աղաջանյանի ու դերասանուհի, երգչուհի Աննա Դովլաթյանի կյանքի ամենամեծ երջանկություններից մեկը՝ նրանց դուստրը՝ Կարինան, դարձավ 5 տարեկան։ Թեեւ ծնողները այլեւս միասին չեն, այդ օրը կրկին միավորեց նրանց սրտերը՝ սիրո, հիշողությունների ու շնորհակալության զգացմունքով։
«Ծնունդդ շնորհավոր, իմ բարի հրեշտակ։ Շնորհակալ եմ, որ ինձ ես ընտրել»,- գրել է Աննա Դովլաթյանը՝ կցելով լուսանկարներ, որոնցում մայրն ու դուստրը ճերմակ զգեստներով փայլում են ինչպես հեքիաթի արքայադուստրեր։ Բոլորը, նույնիսկ տորթը, խոսում էին մեկ բանի մասին՝ նրբություն, մաքրություն ու անսահման սեր։
Իսկ Դավիթ Աղաջանյանն իր հերթին կիսվել է իր ամենաթանկ գանձի՝ Կարինայի նկարով եւ հուզիչ գրառմամբ․
«Շնորհավոր ինձ, որ ունեմ քեզ։ 5 տարվա իմ երջանկություն»։
Թեպետ Դավիթն ու Աննան 2018 թվականին ամուսնացան, իսկ 2024-ի փետրվարին հայտնի դարձավ նրանց բաժանման մասին, այսօր էլ նրանք միավորված են մեկ ընդհանուր սիրով՝ Կարինայի հանդեպ։ Այդ սերը շարունակում է ապրեցնել գեղեցիկ հիշողություններն ու լցնել օրը ջերմությամբ։