Մոդել, հաղորդավարուհի Լուսինե Թովմասյանն ու նրա ամուսինը՝ Արթուր Հովհաննիսյանը, օրեր առաջ հրապարակեցին մի հուզիչ լուր՝ նրանց ընտանիքում շուտով նոր բալիկ է հայտնվելու։ Բայց իրական սրտառուչ պահը դեռ առջևում էր։
Այսօր Լուսինեն հրապարակեց տեսանյութ, թե ինչպես է երեխաներին՝ Արիանային ու Ալեքին, պատմում ընտանիքի սպասվող համալրման մասին։ Եվ այդ տեսարանը իսկական ջերմության ու էմոցիաների պոռթկում էր։
«Փոքրիկ անակնկալ ունենք ձեզ համար, փորձեք գուշակել՝ ինչ է դա»,- հուզմունքով ասում է Լուսինեն ու երեխաներին ցույց է տալիս գծանկար՝ հինգ հոգանոց ընտանիք պատկերող։
Արիանան, ինչպես միշտ՝ սուր մտքով, անմիջապես գուշակում է։ «Հղի՞ ես», — բացականչում է նա՝ լցվելով ուրախությամբ, ապա գրկում է մայրիկին՝ աչքերը փայլեցնելով։ Բայց ամենահետաքրքիր արձագանքը պատկանում էր Ալեքին։ Նա զարմացած է հարցնում՝ «Հենց հիմա՞», ու ստանալով հաստատող պատասխան՝ սկսում է բանակցությունները սեռի շուրջ։
«Աղջի՞կ է», — հարցնում է հուսով, ապա մի պահ մտածում ու վերջապես որոշում կայացնում՝ «Մամա, տղա ենք ուզում, տղա»։
Այս տաք ու սրտառուչ պահը հստակ ցույց է տալիս՝ Թովմասյան-Հովհաննիսյան ընտանիքը սիրո, համերաշխության ու մանկական անկեղծության իսկական օրրան է։